Sa lettura in su tempu de Internet: commentu a sas opiniones de U.Eco e R.Chartier
Su sèculu nostru est carateritzadu dae informatizones medas, chi nos arribant dae mèdios bàrios, mescamente in s’ischermu.
Lèghere impreende internet cheret naàrrere a èssere letores veros?
Su testu eletrònicu est comente su testu in pabiru?
Opiniones de Chartier e Eco subra de s’argumentu:
Ambos sunt de acordu chi sa letura est “istraca” in su sensu chitenimus testos e formas de iscritura medas; sa letura in internet s’assimìgiat a una catena de informatziones e sighende·las s’arriscat de s’iscostiare dae su puntu de bista de su letore.
A bisu de Eco sa letura a sos tempos de internet non tenet creatividade, fantasia;
pro Chartier est isballiadu pònnere a cunfront sos duos tipos de testu ca cussu eletrònicu aberit medas modos de letura.
Segundu Eco fàghere brincos leghende no est una novidade…si faghiat finas in su Medioevu.
Pro su chi riguardat sa partetzipatzione de su letore in sa letura cun sas notas in su màrgine de su fògiu de pabiru, a pàrrere de Eco b'at possibilidades medas e su testu non si podet cambiare semper, imbetzes pro Chartier su testu eletrònicu tenet prus malleabilidade.
Originalidade e propriedades sunt postas in discussione in su testu eletrònicu.
Antagonismu intre sos duos tipos de testu: Eco non respondet a sa dimanda ca est impossibile prevedire su tempus benidore.
Finas Chartier pessat chi non b'at antagonismu ca su chi agatamus in s’ischermu est letura.
Sa paràula de impreare est collaboratzione intre sos duos gèneros.
Testu, sonos e imagines pro sa prima bia paris: ma su libru beru,metàfora de su mundu, b’est galu? Chartier e Eco pesant chi esistit e si devet evitare sa contrapositzione: devent bìvere cun funtziones diversas. Eco narat chi lèghere unu testu eletronicu est semper lèghere e agiudat sa letura.
Sa produtzione de libros coltos est in perìculu? Sas rivistas e sos libros sientìficos costant de prus pro more de sas fotocòpias e cuncustas si arriscat de si potet lèghere totu e de non lèghere nudda.Non si copiat prus a manu su chi nos interessat e duncas si non l’iscriimus non nos abarrat in mente.
Sos letores sunt editores novos pro more de su testu eletrònicu: sunt sos iscritores a iscrìere sos libros? Chartier pessat chi nono.
Est su letore chi in antis de istampare su testu lu podet modificaredende·li sa forma gràfica chi preferit.
Est possibile dare un giudìtziu morale subra de sa letura e subra chie leghet? Ambos narant chi nono. Totu sas novas formas testuales servint.
Apo agatadu sas opiniones interessantes medas e so d’acordu cun ambos. Deo pesso però chi su libru iscritu in pabiru est su libru veru e potet dare istìmulos medas a su letore chi lu podet tènnere a curtzu incada mamentu.
Teresina
Nessun commento:
Posta un commento